ప్రణయమా నీపేరేమిటి ప్రళయమా ప్రణయమా నీపేరేమిటి ప్రళయమా గమ్యం తెలియని పయనమా
ప్రేమకు పట్టిన గ్రహణమా
తెలుపుమా తెలుపుమా తెలుపుమా
ప్రణయమా నీపేరేమిటి ప్రళయమా
చరణం : 1
ప్రేమ కవితా గానమా
నా ప్రాణమున్నది శ్రుతి లేక
గేయమే ఎద గాయమైనది
వలపు చితిని రగిలించగా
తీగచాటున రాగమా
ఈ దేహమున్నది జత లేక
దాహమార ని స్నేహమై
ఎద శిథిల శిశిరమై మారగా
ఓ హృదయమా... ఇది సాధ్యమా...
రెండుగ గుండే చీలునా
ఇంకా ఎందుకు శోధన
ప్రణయమా నీపేరేమిటి ప్రళయమా
చరణం : 2
ప్రేమసాగర మధనమే
జరిగింది గుండెలో ఈవేళ
రాగమన్నది త్యాగమైనది
చివరికెవరికీ అమృతం
తీరమెరుగని కెరటమై
చెలరేగు మనసులో ఈవేళ
అశ్రుధారలే అక్షరాలుగా
అనువదించెనా జీవితం
ఓ ప్రాణమా... ఇది న్యాయమా...
రాగం అంటే త్యాగమా
వలపుకు ఫలితం శూన్యమా
చిత్రం : అల్లరి ప్రియుడు (1993)
రచన : వెన్నెలకంటి
సంగీతం : ఎం.ఎం.కీరవాణి
గానం : ఎస్.పి. బాలసుబ్రహ్మణ్యం
No comments:
Post a Comment