చిత్రం : మామగారు (1991) రచన : సిరివెన్నెల సంగీతం : రాజ్-కోటి గానం : బాలు, స్వర్ణలత, బృందం

పల్లవి : ఇయ్యాలె అచ్చమైన దీపావళి వెయ్యేళ్లు నిత్యమైన దీపావళి ఏనాడు ఎళ్లిపోని దీపావళి ఏరి కోరి ఎంచుకొంది మా లోగిలి ఏల ఏల చుక్కల్లో యెలుగలన్ని యెదజల్లి మా ఇంట యెలిశాడు ఆ జాబిలి ఏల.... చరణం : 1 అలాంటిలాంటిటోడుగాదు మా అల్లుడుగారు కోటికొక్కడుంటాడా ఇలాంటి మంచివాడు కొండంత పెద్ద మనసు కలిగినోడు గోరంత పేదగూటికొచ్చినాడు కలిసొచ్చే కాలానికి నడిసొచ్చే కొడుకల్లే కలిసొచ్చే కాలానికి నడిసొచ్చే కొడుకల్లే ఇట్టాంటి అల్లుడొస్తే ప్రతి అమాస ఆ ఇంటి దీపాళి పండగంట చరణం : 2 మాయ మర్మం లేనివాడు మా మామగారు మట్టిలోని మాణిక్యం మా ఆడవారు గుండెల్లోన పెంచినాడు నన్ను కన్నవాడు గుండెను గుడి చేస్తాడు కట్టుకున్నవాడు మమకారమన్నది ఇంటి పేరు పెట్టి పుట్టనోళ్లు దీన్ని పొందలేరు సిరులేవీ కొనలేనిది సరిలేని ఈ పెన్నిధి ఇట్టాంటి నవ్వులుంటె ప్రతి అమవాస ఆ ఇంటి దీపావళి పండగంట చిత్రం : మామగారు (1991) రచన : సిరివెన్నెల సంగీతం : రాజ్-కోటి గానం : బాలు, స్వర్ణలత, బృందం